都係時候為大家交代下分享下我而家所做緊既野心路歷程。

  點解會揀尼行? 想學到一技之長,唔想做d普通野,突然間想做,又唔係好多比我楝,一試心態。
  咁多間唔揀揀尼間 ? 近, 一來即請。

  初初到步,比我感覺都幾好,無咩唔開心既事。咁有時做野出錯比人話兩句好正常,可以接受。
  d同事大多數都好nice, 二廚同大廚都好好人 ,唔鬧人,唔會擺款,肯比機會我學野。

  先簡介運作程況:
  出面迴轉壽司果到叫"司吧",咁入面就廚房喇。
  原來係要兩面都要做, 唔會淨係整壽司。
  d呀姐只會做死一個位,口靚仔就唔係。
  不過我無咩所謂, 當學識多樣野。

  係司吧主要有三個位, 最左叫飯機位, 中間手卷位,最右刺身位。
  飯機位其實就是用作供應於大部份壽司在迴轉帶上的重要位置, 簡稱鋪line。
  企尼個位一定要快, 係同d客人鬥快, 你見到爆場時勁多客人,條line壽司碟碟逼爆,証明掂。
  你地實話,擺壽司落去唔快得過人地食既速度? 千其唔好睇小, 在星期六日最旺時間,
  係條line壽司逼爆既情況下,大約過10-15分鐘,d位已空出很多,約20碟3文魚全清。
  而家我就係學緊尼個位, 大部份魚、刺身,壽司種類我已識分。

  手卷位基本上已很熟, 不外乎包小卷、手卷和太卷等。小卷就最易包,只要d飯唔好太多太小,
  包出黎條條size差唔多,個位要收得好,唔爆就OK。手卷呢初初都掉了不小,要包得夠尖夠實,
  而家出得街喇,夠尖但未收得緊lo有時。大果d卷主要記要落D咩料,同埋就係大條同難包得
  實,唔係切完出黎散哂, 我包第一次都係小小鬆炸@@ D卷切法有唔同,大多數差唔多。

  刺身位當然就係片野既地方,即係切三文魚,八爪魚等等。尼度當然係學刀法喇,
  暫時只係片過幾條鰻魚,我片完只係見到大廚點點頭。
  呀姐話我第一次OK架喇, 係Size唔平均,有時一大一細,切完仲算係一片片,唔係一塊塊。

  咁廚房主要分三個位,麵檔,燒爐和炒爐。
  初初咩都唔識一定由麵檔學起, 企麵檔要理埋炸爐,有時多單起上黎2個人都做唔掂。
  好彩二廚呀姐好幫我地手,因為麵擋係最多單同多野做。
  主要係煮麵炸野, 執火咁lo,簡單係簡單,多野記同埋好多立雜野做。

  燒爐就係好似BBQ咁,擺野放入爐燒,燒三文魚頭,吊筒,秋刀魚,鯖魚等等。
  我就由前日先開始學企燒爐, 唔洗企麵擋lu幾開心。
  聽到大廚咁快調我過去都有點意外,o左咀-.-

  炒爐顧明思義炒野喇, 原來d人要用左手炒,度度都係,因爐既設計問題。
  隻穫對我尼講幾重(左手),未落野輕輕試拋兩下, 手碗位都頂唔住。
  暫時我未咁快學炒野住。

  做左一個月都未夠就識左咁多野,我都覺得快左d..
  但易學難精lo~
  大廚話新人尼講我算叻-.-
  我問其他同事有d做左成個月都係淨企死麵檔= =
  係得我一個新人同一時間兩面都識@@
  而家半日司吧半日廚房唔錯,唔洗做死一樣咁悶。

  暫時係咁喇,仲有好多野不能盡錄..